Əməkdar jurnalist Zaur Baxşəliyev efirdə ağlayıb.

Gundem.az xəbər verir ki, kövrək anlar Zaurun aparıcısı olduğu "Bizimləsən" verilişində yaşanıb.

Proqrama şəraitlərin acınacaqlı vəziyyətdə olması ilə əlaqədar pənah gətirən Jalə və Şəlalə bacılarına Qobu qəsəbəsində mənzil hədiyyə verilib.

Bacıların bu sevincinə şərik olan Baxşəliyev göz yaşlarını gizlədə bilməyib.

"Bədbin insan deyiləm. Hər zaman övladlarımı gözümün önünə gətirirəm. Onlar böyüyəndə və müəyyən yerlərə gəlib çatanda bu yaxşılıqlar onların qabağına çıxsın (ağlayır). İki qız uşağı... Nə olsun ki, onların əmi və dayısı var. Amma hamısı özünə... Sizin atanızın dəyərli bir kişi olması, Birinci Qarabağ savaşında döyüşməsi, bədəni təpədən dırnağa kimi qəlpələrin içində qalması, mərd bir insan olması, onun ruhuna xatir biz bu mücadiləni apardıq. Bu ev sizin halal xoşunuz olsun", - deyə Zaur vurğulayıb.(olay.az)