"Baykar" şirkətinin texniki direktoru Səlcuq Bayraktar Xocalı qətliamı ilə bağlı paylaşım edib.

Gundem.az xəbər verir ki, o, bu barədə özünün "X" sosial media hesabında yazıb.

Səlcuq Bayraktar illər keçsə də, baş verənlərin hələ də ürəklərində olduğunu bildirib.

"Xocalı soyqırımında həyatını itirən qardaşlarımızın xatirəsini ehtiramla yad edirəm. İllər keçsə də, bu faciənin acısı hələ də qəlbimizdə təzədir. Xocalı soyqırımında həyatını itirmiş qardaş və bacılarımızın xatirəsini ehtiramla yad edirəm", - paylaşımda qeyd olunub.