Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin “Şuşa ili”nə həsr olunmuş xüsusi müsabiqəsinin qalibi olan “Azərbaycan Vikimedia Könüllüləri” İctimai Birliyinin “Vikipediya Şuşanı Sevir” layihəsinin bağlanış mərasimi keçirilib. 30 sentyabr tarixində baş tutan mərasimdə aktiv vikipediyaçılar və Şuşa şəhərinin mədəniyyət müəssisələrinin əməkdaşları iştirak etmişlər.

Mərasimdə layihə çərçivəsində görülmüş işlər, o cümlədən, Vikipediyada yaradılmış məqalələr, yüklənmiş fotoşəkillər, keçirilmiş Vikipediya təlimləri, vikipediyaçılar üçün təşkil edilmiş düşərgə və düşərgə ərzində yaradılmış məqalələr barədə iştirakçılara məlumat verilib. 

Həmçinin, mərasimdə 16-17 sentyabr tarixlərində mədəniyyət işçiləri üçün keçirilən Vikipediya təlimlərinin, habelə 24-25 sentyabr tarixlərində keçirilən Vikidüşərgənin iştirakçılarına sertifikatlar təqdim olunub.