Bakıda bir küçə var ki, orada marşrut avtobuslarına bir yox, iki hərəkət zolağı ayrılıb. Bu isə onsuz da dar olan Bakı küçələrində əlavə tıxaca səbəb olur. Həmin ərazidə bizim də çəkiliş qrupumuz olub. Biz orda olanda zolaqların hər ikisi hələ də yoldaydı. Bakı Nəqliyyat Agentliyi problemin günün sonuna qədər həll ediləcəyini bildirib..

Paytaxtın Rəşid Behbudov prospekti ilə Şəmsi Bədəlbəyli küçəsinin kəsişməsində çəkilən zolaq sürücüləri çaşbaş salır. Söhbət marşrut avtobuslarının hərəkəti üçün nəzərdə tutulmuş zolaqdan gedir.

Ümumi olaraq Bakı şəhərində avtobusların hərəkəti üçün bəzi yollarda yolun sağ tərəfində bir zolaq ayrılsa da, sözügedən prospektdə bu zolağın sayı ikidir. Bu da digər sürücüləri narazı salır.

Bəzi avtobus sürücüləri isə məsələni problem kimi görmürlər.

Ancaq avtobusu daima sağ zolaqla idarə etdiklərini deyən sürücülər də var.

Bakı Nəqliyyat Agentliyindən "Xəzər Xəbər"ə bildirildi ki, sözügedən ərazidə avtobuslar üçün iki hərəkət zolağının çəkilməsi iş icraçısının səhvidir. Lakin gün ərzində bu problem aradan qaldırılacaq. Yəni zolaqlardan biri ləğv ediləcək.

Gundem.az  Xəzər xəbər-ə istinadla sujeti təqdim edir: