Salyanda qardaşını yanğından xilas etməyə çalışarkən bütün dərisini yandıran 10 yaşlı İsmayıl İsmayılzadə qardaş Türkiyəyə aparılaraq dərhal müalicəsinə başlanılıb.  

Gundem.az xəbər verir ki, əzələ və ayaqlarından götürülən dəri hissəcikləri yanan hissələrə yerləşdirilib.  

Həkimlərin sözlərinə görə, 10 yaşlı İsmayıl 1 aya xəstəxanadan evə buraxılacaq və ev şəraitində fiziki müalicə alacaq.  

Qeyd edək ki, aprel ayının 3-də Salyanın Şəkərli kəndində qeydə alınan yanğın zamanı 5 yaşlı Nihad İsmayılzadə tüstüdən boğularaq hadisə yerində ölüb.
Onu xilas etməyə çalışan qardaşı, 10 yaşlı İsmayıl İsmayılzadə isə müxtəlif dərəcəli yanıq xəsarətləri ilə Salyan Mərkəzi Rayon Xəstəxanasına çatdırılıb.