İngiltərədə aparılan bir araşdırma uşaq vaxtından oturaq həyat tərzi keçirməyin damar sərtliyini artıra biləcəyini göstərib.

Gundem.az xəbər verir ki, Oksford, Bristol və Exeter universitetləri ilə Şərqi Finlandiya Universitetinin alimlərinin birgə apardıqları araşdırmada 11-24 yaş arası 1339 uşaq və gənc müayinə olunub.

Bu çərçivədə 13 il ərzində 1339 nəfərin damar sərtliyi dövri olaraq yoxlanılıb. Tədqiqatda alimlər müəyyən ediblər ki, uşaq və yeniyetmələrdə hərəkətsizlik müddətinin gündə 6 saatdan 9 saata qədər artırılması arterial sərtləşməni təxminən 10 faiz artırıb.

Digər tərəfdən, araşdırmada yaşlanmanın da arterial sərtliyi artırdığı, bunun da gənclərdə gənc yaşda ölüm riskini yüzdə 47 faiz artırdığı vurğulanıb.

Bundan əlavə, araşdırma gündə ən azı 3 saat yüngül fiziki fəaliyyətin damarların sərtləşməsi riskini minimuma endirməyə kömək edə biləcəyini ortaya qoyub.

Şərqi Finlandiya Universitetində doktor Andryu Agbaje sözügedən tədqiqatın əvvəkilərdən daha ciddi nəticə ortaya qoyduğunu bildirib: "Bizim tədqiqatlar uşaqlıqda hərəkətsizliyin sağlamlıq üçün əvvəllər düşünüldüyündən daha təhlükəli olduğunu vurğulayır". (Sfera.az)