NATO Rusiyanın Ukraynadakı qələbəsini onun “ən böyük riski" hesab edir, çünki münaqişənin nəticəsi onilliklər ərzində qlobal təhlükəsizliyi formalaşdıracaq.

Gundem.az “TASS” istinadən xəbər verir ki, bunu NATO-nun Baş katibi Yens Stoltenberq deyib.

"Ən böyük xərc və ən böyük risk Rusiyanın Ukraynada qalib gəlməsi olacaq. Biz buna imkan verə bilmərik", - Stoltenberq bildirib.

Onun fikrincə, Rusiyanın qələbəsi həm də İran, Şimali Koreya və Çindəki avtoritar liderləri cəsarətləndirəcək:

"Onların hamısı Rusiyanı dəstəkləyir, hamısı NATO-nun iflasa uğramasını istəyir. Beləliklə, bu müharibənin nəticəsi onilliklər ərzində qlobal təhlükəsizliyi formalaşdıracaq".

O, alyansın bütün üzvlərini Ukraynanı daha intensiv dəstəkləməyə çağırıb, lakin Kiyevin alyansa üzvlüyünün perspektivlərindən bəhs etməyib.  (Sfera.az)