"TV8" kanalında yayımlanan “MasterChef Türkiyə" proqramının aparıcısı, aşpaz Somər Sivrioğlu barəsində həbs qərarı qəbul olunub.

Gundem.az Axşam.az-a istinadla xəbər verir ki, buna səbəb aşpazın 2022-ci ildə Beşiktaşdakı restoranının təmir işləri zamanı uçan divarın altında qalaraq 1 nəfərin ölməsi və digərinin yaralanması ilə nəticələnən hadisə ilə bağlı məhkəmə işi olub.

2 ildir davam edən məhkəmə prosesinə bu gün yekun vurulub.

Məhkəmədə Somər Sivrioğlu və işçiləri Kazım Evirgen və Kadri Berk Camala ehtiyatsızlıqdan ölüm və yaralanmaya səbəb olmaq maddəsi ilə 6 il 8 ay həbs cəzası verilib.

Daha sonra cəza 5 il 6 ay 20 günə endirilib.