Tehran və Moskvanın dünyadakı hadisələrə baxışları indi həmişəkindən daha yaxındır.

Gundem.az xəbər verir ki, bunu İranın xarici işlər naziri Abbas Əraqçi rusiyalı həmkarı Sergey Lavrovla görüşündə deyib. 

"Rusiya və İranın mövqeləri münasibətlərinin bütün tarixində heç vaxt bu qədər yaxın və güclü olmayıb", - Əraqçi deyib.

İran Xarici İşlər Nazirliyinin rəhbəri qeyd edib ki, onun Rusiya prezidenti Vladimir Putinlə görüşü “mənalı və çox yaxşı” olub.

Əraqçi, həmçinin İranın ali dini lideri Əli Xamneyinin Putinə mesajını çatdırıb və qeyd edib ki, bu, İranın Rusiyanı özünün strateji tərəfdaşı və mühüm qonşusu hesab edir və bu bütün dünyaya bir siqnaldır.