Moldovada müxalifətin etiraz aksiyası başlayıb
Moldova paytaxtı Kişinyovda müxalif partiyanın tərəfdarları və nümayəndələrinin kütləvi etiraz aksiyası başlayıb.
Gundem.az -nun TASS-a istinadən məlumatına görə, etirazçılar ölkə rəhbərliyinin istefasını və növbədənkənar parlament seçkilərinin keçirilməsini tələb edirlər.
Nümayişçilər sentyabrın 18-dən müddətsiz etiraz aksiyasının keçirildiyi parlament binasının qarşısındakı çadır şəhərciyinə toplaşıblar. Onlar “Sanduya İstefa!” şüarı səsləndir, həmçinin “Şor” Partiyasının sədr müavini Marina Tauberin həbsdən azad edilməsini istəyirlər.
Xatırladaq ki, etirazlar yayda başlayıb. Kişinyovda və Qaqauz muxtariyyətində keçirilən aksiyanın iştirakçıları hakimiyyəti böhranın öhdəsindən gələ bilməməkdə ittiham edir, son 20 ildə illik hesablamada 34%-ə çatan rekord inflyasiya, qazın, digər enerji resurslarının və ərzaq qiymətlərinin dəfələrlə artmasına, habelə kəskin inflyasiyaya etiraz edirlər. Ölkədə həyat səviyyəsinin aşağı düşdüyünü bildirirlər.
Son xəbərlər
Ən çox oxunanlar
- Bu gün
- Bu həftə
- Bu ay