Ukrayna Silahlı Qüvvələrinin Xüsusi Əməliyyat Qüvvələri Komandanlığı ötən həftəsonu Rusiyanın Qara Dəniz Donanmasının ilha edilən Sevastopoldakı qərargahına endirilən zərbə nəticəsində 34 hərbçinin öldüyünü açıqlayıb.

Gundem.az xəbər verir ki, bu barədə komandanlığın mətbuat xidməti məlumat yayıb.

Ölənlər arasında Qara dəniz donanmasının komandiri admiral Viktor Sokolovun da olduğu iddia edilir. Zərbə nəticəsində daha 105 əsgərin yaralandığı bildirilir.

Qeyd edək ki, hücum sentyabrın 22-də həyata keçirilib. "Planet.com"un peykdən çəkilmiş görüntüləri zərbənin binaya böyük ziyan vurduğunu üzə çıxarıb.

"Sky News"un məlumatına görə, hücum uzaqmənzilli “Storm Shadow” raketlərindən istifadə edilməklə həyata keçirilib. Həm Kiyev, həm də Moskva hücumda qərargahın vurulduğunu təsdiqləyib. Ukrayna hərbi kəşfiyyatının rəhbəri Kirilo Budanov “Amerikanın səsi” radiosuna müsahibəsində bildirib ki, zərbələr nəticəsində azı 9 nəfər ölüb, 16 nəfər yaralanıb.

Budanov qeyd edib ki, yaralılar siyahısında Zaporojyedəki Rusiya qüvvələrinin komandanı general Aleksandr Romançuk və general Oleq Tsekov kimi yüksək rütbəli zabitlər var.