"Moskva gözləyir ki, Vaşinqton Ermənistanda anti-Rusiya əhval-ruhiyyəsinin güclənməsinə səbəb olan təhlükəli söz və hərəkətlərdən çəkinəcək”.

Gundem.az TASS-a istinadla xəbər verir ki, bunu Rusiyanın ABŞ-dəki səfiri Anatoli Antonov məlumat verib.

Diplomat qeyd edib:

“Bu, təsdiq edir ki, ABŞ və müttəfiqlərinin problemi vəziyyətin nizamlanması və Cənubi Qafqazın sülh yolu ilə inkişafı deyil, əksinə, Rusiyaya strateji ziyan vurmaq və bizi bu regiondan sıxışdırıb çıxarmaq perspektivi ilə Avrasiya məkanında qəsdən sabitliyi pozmaqdır”.

“Yerli məmurların bu cür böhtanları hiddətləndirir. Amerikalılar, əslində, erməni siyasətçilərinin qeyri-konstruktiv ictimai bəyanatları ilə razılaşırlar. Onların məqsədi daxili və xarici siyasətdə öz nöqsanlarına görə məsuliyyəti başqalarının boynuna qoymaqdır”, – deyə A. Antonov vurğulayıb.

Səfir bildirib:

“Rusiya Federasiyası Ermənistanın sadiq müttəfiqi olub və qalır. O, həmişə həmin qardaş ölkəyə lazımi köməklik göstərməyə çalışıb. O cümlədən Qarabağa sülhməramlılarımızın göndərilməsi ilə. Rus əsgərlərinin öz mövqelərində həlak olması faktı yalnız Rusiyanın erməni və Azərbaycan xalqları arasında sülhün əldə olunması naminə çətin qərarlar qəbul etməyə hazır olduğunu vurğulayır”.