HƏMAS hərəkatı İsraillə barışıq şərtlərinə əsasən, gündə 10 israilli girovu azad etmək niyyətindədir.

Gundem.az xəbər verir ki, bu barədə Livanın "Al Shark" qəzeti saziş layihəsi ilə tanış olan mənbələrə istinadla məlumat yayıb.

Atəşkəsin beş gün davam edəcəyi qeyd edilir.

"HƏMAS və İslami Cihad yaraqlıları oktyabrın 7-dən bəri əsirlikdə olan 10 girovu İsrail həbsxanalarından 30 fələstinli məhbusun müqabilində hər gün azad etməyə razılaşıblar", - məlumatda deyilir.

Bundan əvvəl İsrailin baş naziri Binyamin Netanyahu İsrail Müdafiə Qüvvələrinin (IDF) ehtiyat batalyonlarından birinə səfəri zamanı girovların azad edilməsi ilə bağlı radikal HƏMAS hərəkatı ilə danışıqlarda irəliləyiş əldə olunduğunu bildirib. Onun sözlərinə görə, tezliklə xoş xəbərlər gözləmək olar.