Ukrayna Prezidenti Volodimir Zelenski tərəfdaşlara xəbərdarlıq edib.

Gundem.az xəbər verir ki, o, bu barədə ABŞ-nin “CBC” telekanalına müsahibəsində deyib.

Dövlət başçısı söyləyib ki, Rusiya mayın sonunda və ya iyunun sonunda əks-hücum əməliyyatlarına başlaya bilər: “Bu barədə tərəfdaşlarla müzakirələr gedir. Biz bütün məlumatları tərəfdaşlarımızla bölüşürük və deyirik ki, Rusiya əks-hücum əməliyyatlarına hazırlaşır”.

Ölkə lideri söyləyib ki, belə bir vəziyyətdə Ukraynanın tərəfdaşların köməyinə ehtiyacı var.

V.Zelenskinin sözlərinə görə, ölkənin şərqində vəziyyət iki-üç ay bundan əvvələ nisbətən daha yaxşıdır.

Qeyd edək ki, Ukrayna Prezidenti Volodimir Zelenski daha əvvəl bildirmişdi ki, müharibənin nə vaxt başa çatacağını kimsə bilmir.

Xatırladaq ki, Rusiya ilə Ukrayna arasında müharibə 2022-ci il fevralın 24-də başlayıb. Ukrayna Prezidenti Volodimir Zelenski daha əvvəl bildirib ki, Qərb dəstəyi dayandırsa, ölkəsi geri çəkiləcək. ABŞ hələ ki Ukraynaya yardımı dayandırıb. Bundan əvvəl xarici KİV-lər yazmışdı ki, ABŞ Ukraynadan hücumdan müdafiə strategiyasına keçməyi tələb edir. ABŞ dövlət katibi Antoni Blinken daha əvvəl Ukraynanın çətin vəziyyətdə olduğunu açıqlayıb. Türkiyənin xarici işlər naziri Hakan Fidan isə bildirib ki, Rusiya ilə Ukrayna arasında sülhün vaxtı çatıb. V.Zelenski daha əvvəl qeyd edib ki, atəşkəs həm Ukrayna, həm də Şərqi Avropa üçün ciddi təhlükə yaradacaq. NATO hərbi komitəsinin rəhbəri, admiral Rob Bauer bundan əvvəl Rusiya ilə müharibəyə hazır olduqlarını söyləyib. Kreml sözçüsü Dmitri Peskov daha əvvəl Rusiyanın de-fakto müharibə şəraitində olduğunu bildirib.