BAKU Azərbaycan
°C

"Ukraynada Rusiyanın irəliləməsinin qarşısını almaq mümkün olmasa, rəsmi Vaşinqton Rusiya ərazisindəki hədəflərin vurulmasında Amerika silahlarından istifadəyə icazə verəcək".


Gundem.az xəbər verir ki, belə bir iddia “New York Times” qəzetində öz əksini tapıb. 
Nəşr yazır ki, Rusiya ordusunun irəliləməsinin qarşısını almaq üçün ABŞ Ukraynaya hərbi dəstəyini artırır. Qəzetin şərhinə görə, ABŞ bu dəstəyin davamında müharibənin ilk günlərində elan etdiyi prinsiplərdən imtina edə bilər: “ABŞ administrasiyası əvvəldən bəyan edib ki, Ukrayna Rusiya ərazisində ABŞ silahlarından istifadə etməyəcək. Rəsmi Vaşinqton bu prinsipə sonuna qədər sadiq qalacağını vurğulamışdı. Amma vəziyyət dəyişərsə, yeni plan həyata keçiriləcək və Rusiya ilə ABŞ-nin birbaşa münaqişəyə girmək ehtimalı artacaq. Yəqin ki, ABŞ bir müddət sonra Ukraynaya Rusiyanı ABŞ silahları ilə vurmaq üçün bütün imkanları yaradacaq”. 
“New York Times” qəzetinin yazdığına görə, ABŞ dövlət katibi Entoni Blinken Prezident Co Baydeni bu məsələdə razı salmağa çalışır. Rusiya işğalının əvvəlindən Ukraynaya milyardlarla dollar dəyərində silah göndərən Bayden administrasiyası Kiyev qarşısında şərt qoymuşdu ki, ABŞ silahları Rusiya ərazisində istifadə edilməyəcək. “New York Times” qəzetinin şərhinə əsasən, Bayden ABŞ və Rusiyanı birbaşa qarşıdurmaya gətirə biləcək belə bir ssenariyə qəti şəkildə qarşıdır. Lakin cəbhədə son zamanlar yaranan vəziyyət ABŞ administrasiyasını fərqli planları da nəzərdən keçirməyə vadar edir. 
Qeyd edək ki, Ukrayna Rusiya ordusunun irəlilədəyinə görə Rusiya ərazisinə hücumlarını artırıb. Kiyev son aylarda xüsusilə Rusiyadakı enerji və infrastruktur obyektlərini hədəf alıb. Digər tərəfdən, Ukraynanın əlində olan silahlar ABŞ-nin verdiyi silahlar qədər təkmil deyil və imkanları məhduddur. Düşünülür ki, Kiyev ABŞ silahları ilə Rusiyaya hücum etsə, bu, Moskva üçün böyük zərbə olacaq. 
Xəbərə görə, Ukrayna Prezidenti Volodimir Zelenski keçən həftə Kiyevə səfər edən Blinkenlə məsələni müzakirə edib. Hələ müzakirə mərhələsində olan planın Baydenə rəsmi olaraq təqdim edilmədiyi də bildirilir. 
ABŞ Dövlət Departamenti məsələ ilə bağlı açıqlama verməkdən imtina etsə də, “New York Times”a danışan mənbələr vurğulayıb ki, Rusiyanın müharibədə yeni cəbhə açaraq Xarkova doğru irəliləməsi ABŞ-nin mövqeyini dəyişə bilər. 
Xatırladaq ki, Zelenski bu həftə “New York Times”a verdiyi açıqlamada Rusiyanın ABŞ silahları ilə hədəfə alına bilməməsinin Moskvaya böyük üstünlük verdiyini bildirmişdi. (Sfera.az)

Son xəbərlər

Türkiyə səfiri: "Münasibətlərimizi sarsılmaz etmək, əbədi yaşatmaq birinci vəzifəmizdir"

Ermənistanda etirazçıların kütləvi həbsinə BAŞLANILDI

Xocalıda aşkarlanmış zenit-raket kompleksi Bakıda “Hərbi Qənimətlər Parkı”nda YERLƏŞDİRİLDİ

Azərbaycan neftinin qiyməti 84 dolları ÖTDÜ

Məşhur aktyor "Instagram" hesabını sildi - SƏBƏB - FOTO

Ramafoza yenidən CAR-nin prezidenti SEÇİLDİ

Kamaləddin Qafarov: “ Azərbaycan bu gün qüdrətli bir dövlətə çevrilib”

Daha bir müəllim vəfat etdi - FOTO

Dağlıq ərazilərə qar yağdı - FAKTİKİ HAVA

Prezident: "Birləşmiş Krallıq ilə münasibətlər bizim üçün xüsusi əhəmiyyət kəsb edir"

İlham Əliyev Böyük Britaniya kralını TƏBRİK ETDİ

FHN əhaliyə MÜRACİƏT ETDİ

Ronaldinyo Braziliya millisinin oyunlarını izləməkdən İMTİNA ETDİ

DİN: "Ötən gün axtarışda olan 12 nəfər tapıldı"

Narendra Modi Yaponiyaya səfər edəcək

Mehriban Əliyeva Milli Qurtuluş Günü münasibətilə PAYLAŞIM ETDİ

Lukaşenko Si Cinpinlə görüşmək niyyətindədir

"Milli Qurtuluş Günündən başlanan Xilaskarlıq missiyası bu gün tarixi Zəfər zirvəsinə yüksəlib" - Ülvi Quliyev

Azərbaycanlı zəvvarlar Həcc ziyarətinin əsas ayinlərinin icrasına BAŞLADILAR

Tanınmış ilahiyyatçı VƏFAT ETDİ - FOTO

Bütün xəbərlər