Xocalının Pirlər, Xanabad, Əsgəranın Ağbulaq, Naxçıvanlı, Xocavəndin Cütcü və Ağdərənin Canyataq kəndlərindən mülki erməni əhalisi təxliyə edilib.

Gundem.az xəbər verir ki, bu barədə qondarma rejimin “ombudsmanı” məlumat yayıb.

Bundan əlavə, separatçılar Qızıloba, Dağyurd, Şuşakənd, Xacmac kəndindən mülki erməniləri təxliyə edib.

Qeyd edək ki, Canyataq kəndi 1992-ci ilə qədər Ağdərəyə aid olub. Həmin ilin oktyabrın 13-dən isə Tərtər rayonunun inzibati tərkibinə daxil edilib.

***

Ümumilikdə 16 yaşayış məntəqəsindən 7 mindən çox insan (16 kənddə 7 min insanın yaşaması inandırıcı deyil - red.) təxliyə edildiyi iddiası səsləndirilib.

Xatırladaq ki, Azərbaycan tərəfindən əhalinin təhlükəli ərazidən təxliyəsini təmin etmək üçün Laçın yolu üzərində və digər istiqamətlərdə humanitar dəhliz və qəbul məntəqələri yaradılıb.