“Barselona”nın yarımmüdafiəçisi Usman Dembele komandasını dəyişməyə hazırlaşır.

Gundem.az xəbər verir ki, Fransa millisinin üzvü artıq yeni klubunu da seçib.

Yeni müqavilə məsələsində kataloniyalılarla ortaq məxrəcə gələ bilməyən 24 yaşlı ön xətt oyunçusu “Yuventus”un təklifini müsbət cavablandırıb. Turinlilərlə ilkin razılığa gələn Dembele yenə də tələsmək istəmir. O, PSJ-dən sərfəli təklif gözləyir. Ancaq parislilər hələlik onun keçidində maraqlı deyil.

Qeyd edək ki, Usman Dembelenin “Barselona” ilə müqavilə müddəti mövsümün sonuna qədər olduğundan, o, gələn ilin yayında azad agent statusu daşıyacaq.