"Barselona"nın yarımmüdafiəçisi İlkay Gündoğan karyerasında ilk dəfə bir mövsümdə 10-dan çox məhsuldar ötürmə edib. 

Gundem.az bildirir ki, bu barədə “Squawka” məlumat yayıb.
Xatırladaq ki, İspaniya çempionatının 24-cü turunun “Barselona” – “Qranada” matçında İlkay Robert Levandovskiyə məhsuldar ötürmə edib.

Görüş 3:3 hesabı ilə heç-heçə başa çatıb. 33 yaşlı alman yarımmüdafiəçi ötən yaydan "Blauqrana"da (Barselona) çıxış edir. O, 2023-cü ildə "Mançester Siti"dən İspaniya klubuna keçib.

Gündoğanın "Barselona" ilə müqaviləsi 2025-ci ilin yayına qədərdir və tərəflər müqaviləni daha 12 ay uzada bilər. 

İlkayın bazar dəyəri 18 milyon avro olaraq qiymətləndirilir. (Sfera.az)