Argentinanın əfsanəvi futbol klubu "Velez Sarsfild" dörd futbolçusu ilə müqaviləsini dayandırıb.

Gundem.az bildirir ki, onlar, qapıçı Sebastyan Sosa, mərkəz yarımmüdafiəçisi Xose Florentin, mərkəz müdafiəçisi Brayan Kufre və hücumçu Ariel Osoriodur.

Müqavilələrin ləğv edilməsinə səbəb oyunçuların cinsi zorakılıqda ittiham edilməsi olub. Onlar 48 saat polis nəzarətində qalacaqlar və bundan sonra məhkəmə həbs müddətinin uzadılıb-uzadılmaması barədə qərar verəcək.

Qeyd edək ki, “Barselona”, “Yuventus”, PSJ və Braziliya millisinin sabiq futbolçusu Dani Alveş də bir müddət əvvəl cinsi zorakılığa görə 4,5 il müddətinə azadlıqdan məhrum edilib. (Sfera.az)