2-ci Bundesliqa təmsilçisi "Herta"nın yarımmüdafiəçisi Aymen Barkok Berlindəki gecə klublarından birində döyülüb.

Gundem.az qol.az-a istinadən xəbər verir ki,  bu barədə "Bild" nəşri məlumat yayıb. Bildirilib ki, hadisə bazar günü səhər saat 4.30-da baş verib. Barkok nəticədə üzünə bir neçə ağır zərbə alıb, bundan sonra onun burnu və yanaq sümükləri də daxil olmaqla sınıqları aşkar edilib. Almaniyalı oyunçu əməliyyat olunub və hazırda xəstəxanadadır.

Polis artıq bu hadisəni araşdırır və "Herta" sosial şəbəkələrdə bəyanat yayıb.

Xatırladaq ki, Barkok "Herta"da icarə əsasında çıxış edir və müqavilə ilə  "Maynts"a məxsusdur. Almaniyalı futbolçu bu mövsüm  27 oyuna çıxıb və 2 qol vurub.