Çində elan edilən yeni təşviqlər dəmir filizinin bahalaşmasına səbəb olub.

Gundem.az xəbər verir ki, həftənin ilk ticarət günündə dəmir filizi 10 faizdən çox bahalaşıb.

Ötən həftənin sonu bir ton filizin qiyməti 100 dollar olduğu halda, bu gün 110 dollara yüksəlib. Dünyada ən çox dəmir idxal edən ölkə Çindir. Çində dəmirin çox istifadə edilən sahələrdən biri isə tikinti sektorudur.

Çin hökuməti Şanxay, Quançjou və Şenzen regionlarında tikinti sektorunda inkişafı dəstəkləmək üçün əlavə stimullaşdırıcı tədbirlər həyata keçirməyə başlayıb.

Ekspertlər hesab edir ki, Çinin bu istiqamətdə stimullaşdırıcı tədbirləri çox güclüdür və bu, dəmir bazarında tələbi artıracaq. Buna görə də Çinin dəmir idxalını yenidən artıracağı gözlənilir ki, bu da qiymətlərə artırıcı təsir edir.