“Cənubi Qafqaz regionu hazırda dünyada inanılmaz dərəcədə mühüm rol oynayır”.

"Report" xəbər verir ki, bunu Köləliyin müasir formalarının aradan qaldırılması üçün Qlobal Fondun İdarə Heyətinin sədri, "Exxon Mobile" şirkətinin keçmiş vitse-prezidenti, Nizami Gəncəvi Beynəlxalq Mərkəzinin İdarə Heyətinin üzvü Jean Baderşnayder martın 9-da işə başlayacaq X Qlobal Bakı Forum ərəfəsində keçirilən mətbuat konfransında deyib.

O, Azərbaycanın regionun ən mühüm ölkəsi kimi Avropanın enerji təhlükəsizliyinin təmin edilməsinə töhfə verdiyini bildirib.

Alternativ enerji mənbələrinin aktuallığından danışan J.Baderşnayder qeyd edib ki, hazırda bərpa olunan enerji mənbələrinə kəskin ehtiyac var:

"Azərbaycan səmərəli “yaşıl enerji” habı kimi alternativ enerji mənbələrinin inkişafında böyük potensiala malikdir".

O əlavə edib ki, Cənub Qaz Dəhlizi Avropanın enerji təhlükəsizliyinə böyük töhfə verir.