İsmail Sarıgeldin: \"10-cu Bakı Qlobal Forumu çətin bir dövrə təsadüf edir\"
Bu il 10-cu Bakı Qlobal Fromu çətin bir dövrə təsadüf edir.
Bunu Qlobal Bakı Forumu ilə bağlı keçirilən mətbuat konfransında çıxışında Nizami Gəncəvi Beynəlxalq Mərkəzinin həmsədri İsmail Sarıgeldin deyib
İsmail Sarıgeldin bildirib ki, bu forum çətin dövrə təsadüf edir:
“Pandemiyadan sonrakı vəziyyət, bərpa, yeni qlobal düzənin yaranması prosesi, eyni zamanda müharibə gedir. Miqrasiya ciddi problemə çevrilib, qeyri-bərabərlik güclənib. İqlim dəyişikliyi ciddi təhdid yaradıb və bu, kasıb və zəngin ölkə olmasından asılı olmayaraq, bütün ölkələri təhdid edir və xüsusilə də kasıb ölkələr ciddi zərər görür çünki onların bu nəticələrinin öhdəsindən gəlməyə imkanları yoxdur. Ukrayna-Rusiya müharibəsi dövründə bir müddət taxıl ixracı da dayanmışdı, bu qida təhlükəsizliyini ciddi təhdid edirdi.
Zəngin ölkələr pandemiyadan sonrakı bərpa prosesində daha güclüdür, fəaldır, ancaq yoxsul ölkələr çabalayır. Bizim əməkdaşlıqla, koordinasiya ilə bu problemlərə cavab verə bilərik. Nizami Gəncəvi Beynəlxalq Mərkəzi pandemiya dövründə peyvəndlərin bərabər paylanması ilə bağlı fəal kampaniya apardı. Bizim bu kampaniyamız qlobal dəstək aldı, ÜST bunu dəstəklədi. Qeyd etməliyəm ki, bu fəallığımızın müəyyən nəticələri də oldu".
Brifinqdə "Exxon-Mobile"nin keçmiş vitse-prezidenti Jean Baderschneider çıxışında deyib ki, Qafqaz regionu, Azərbaycan bu gün çox vacib geosiyasi rol oynayır. O, enerji təhlükəsizliyində Azərbaycanın rolu barədə vurğulayıb və əlavə edib ki, Azərbaycan bərpaolunan enerji istiqamətində ciddi addımlar atmaqdadır.
Son xəbərlər
Ən çox oxunanlar
- Bu gün
- Bu həftə
- Bu ay