EBRD Türkiyəyə 1,5 milyard avro ayıracaq
Cənub-Şərq regionuna 1,5 milyard avro investisiya ayıracaq.
Bu investisiyalar qarşıdakı 2 il ərzində yatırılacaq.
EBRD-nin bu addımı təsirə məruz qalmış şəhərlərdə insan kapitalını, dolanışıq vasitələrini və iş yerlərini qorumaq üçün region iqtisadiyyatının bərpasına, yenidən qurulmasına və reinteqrasiyasına dəstək vermək məqsədi daşıyır.
Bu investisiyalara yerli banklara 600 milyon avro dəyərində kredit xəttinin açılmasını, həmçinin özəl sektorun rolunu gücləndirərək ərazidə bərpa və yenidənqurma işlərində iştirak edən şirkətlərə yeni kreditlərin verilməsini əhatə edəcək.
Həmçinin Bank Hatay və Qaziantep kimi bələdiyyələrlə güclü əməkdaşlıq təcrübəsinə əsaslanaraq təsirə məruz qalmış şəhərlərdə davamlı infrastrukturun yenidən qurulmasını dəstəkləyəcək, Cənub-Şərq regionu ilə ölkənin qalan hissəsi arasında əlaqəni bərpa etmək üçün dəmir yolu şəbəkəsinin yenidən qurulmasına vəsait yönəldəcək.
Bundan əlavə EBRD investisiya çərçivəsində Kiçik və Orta Biznesin (KOB) inkişafına da dəstək verəcək.
Dünya Bankının hesablamalarına görə, zəlzələ baş vermiş regiona birbaşa fiziki ziyanın məbləği təxminən 34 milyard ABŞ dolları təşkil edir, yenidənqurma xərcləri isə bundan iki dəfə çox ola bilər ki, bu da hökumət tərəfindən əhəmiyyətli xərcləmələr tələb edir.
EBRD 2009-cu ildən bəri Türkiyəyə 17 milyard avro sərmayə qoyub, bunun 93 %-ni özəl sektora yönəldərək ölkənin aparıcı institusional investoru olub. Təkcə 2022-ci ildə isə Bank ölkəyə 1,6 milyard avrodan çox sərmayə yatırıb.
Son xəbərlər
Ən çox oxunanlar
- Bu gün
- Bu həftə
- Bu ay