“Husilərin Bab əl-Məndəb boğazı və Qırmızı dəniz üzərindən su yollarının blokadası qlobal ərzaq ticarətinə zərbə vurur və qiymətlərin artmasına səbəb olur”. 

Gundem.az xarici KİV-ə istinadən xəbər verir ki, bunu BMT-nin Ərzaq və Kənd Təsərrüfatı ofisinin direktoru Oleq Kobyakov deyib.

"Bu marşrut üzrə səyahət etmək üçün gəmi kirayələmək xərcləri demək olar ki, dörd dəfə artıb, yük daşımaları isə 30% azalıb”,- o bildirib.

FAO rəsmisi qeyd edib ki, dünyanın ən böyük gəmiçilik şirkətləri malları Qırmızı dəniz vasitəsilə çatdırmaqdan imtina ediblər:

"Bu, qurulmuş tədarük zəncirlərini pozub. Yük sahibləri Asiya və Avropa arasında səyahət etmək üçün Ümid burnu ətrafında gəmilər göndərərək, dairəvi marşrutdan istifadə etməyə məcbur olurlar. Bu marşrut 8 min kilometr uzundur və 10-14 gün daha çox vaxt aparır. Əlavə yanacağın alınması isə xərcləri orta hesabla 15% artırır”. (Sfera.az)