Azərbaycanda biznes kreditlərinin həcmi 12,92 milyard manata çatıb. 

Gundem.az xəbər verir ki, 2024-cü ilin fevralın 1-də kreditlər üzrə borc məbləği əvvəlki ilin eyni dövrü ilə müqayisədə 2,074 milyard manat, yəni 19 faizdən çox artıb. 
Biznesin kredit borcunun 401,5 milyon manatı qeyri-işlər kreditlərdən ibarətdir. Bu məbləğ ümumi borcun 3,1 faizini təşkil edir. 

Biznes fəaliyyəti üçün alınan kreditlər üzrə borcların çox hissəsi iri sahibkarların aldığı kreditlər üzrə yaranıb. İri sahibkarların kredit borcu 6,85 milyard manat olmaqla biznesin ümumi borcunun 53 faizini təşkil edib. 

Mikro sahibkarların biznes fəaliyyətinə görə kredit borcu 2,63 milyard manat, orta sahibkarların 1,885 milyard manat, kiçik sahibkarların isə 1,55 milyard manatdır. 
Statistikaya görə, son aylarda yalnız iri sahibkarların kredit borcu artıb, digərlərində azalma qeydə alınıb. Son 7 ayda iri sahibkarların kredit borcu 37 faizdən çox artdığı halda digərlərinin borcu 15 faizdən çox azalıb.