Bu il Azərbaycanın banklarına və banklardan kənara pul köçürmələrinin həm sayı, həm də ümumi məbləği azalıb. 

Gundem.az Mərkəzi Bankın məlumatlarına istinadən xəbər verir ki, 2024-cü ilin yanvar və fevral ayları ərzində sürətli pul köçürmələrindən istifadə etməklə banklara 605,1 min köçürmə olub. Banklara daxil edilən vəsaitin ümumi məbləği 317,9 milyon manat təşkil edib. 

2023-cü ilin eyni dövründə banklara 807,7 min köçürmə olmuşdu və köçürülən vəsaitin ümumi məbləği 462,4 milyon manat idi. 

Bu il ötən ilə nisbətən banklara köçürmələrdə ciddi azalma müşahidə edilib. 

Banklardan kənara köçürmələrdə də ciddi azalma var. Banklardan kənara köçürmələrin sayı 198 minə, köçürülən vəsaitin ümumi məbləği isə 87,4 minə geriləyib. 

2023-cü ilin ilk 2 ayında banklardan kənara 253,4 min köçürmə olmuşdu. Bu əməliyyatlar zamanı köçürülən vəsaitin həcmi 124,1 milyon manat idi. (Sfera.az)