BAKU Azərbaycan
°C

"Linkin Park"ın mərhum solisti Çester Benninqtonun oğlu, 28 yaşlı Ceymi Benninqton qrupun həmtəsisçisi Mayk Şinodanı atasına əvəzləyici tapdığına görə tənqid edib. 38 yaşlı Emili Armstronqun qrupun siması olması gəncin xoşuna gəlməyib. O, bu barədə İnstaqram hekayələrində məlumat verib.

Gundem.az bildirir ki, Ceymi Benninqton qrup üzvlərinin atasının həyatını və irsini sakitcə sildiyini deyib.

Xüsusən də, Ceymi yeni solistin “Scientology” sektası ilə əlaqəsi olmasını, eləcə də keçmişdə zorlamada təqsirli bilinərək ən azı 30 il həbs cəzasına məhkum edilmiş aktyor Denni Mastersonu dəstəkləməsini həqiqətən bəyənmir.

O, həmçinin əlavə edib ki, Şinoda qrupa yeni bir insan təqdim etmək üçün çox pis vaxt seçib. Sentyabr İntiharın Qarşısının Alınması Ayıdır və onun atası çox qalmaqallı şəkildə intihar etmişdir.

Ceymi hesab edir ki, Mayk və qrupun digər üzvləri real vaxtda sakitcə atasının həyatını və irsini siliblər. O, iddia edir ki, özü də daxil olmaqla, onilliklər boyu pərəstişkarlarının qrupa göstərdiyi etimada xəyanət ediblər.

Bir vaxtlar “Dead Sara” qrupunda çıxış edən Armstronq isə bazar günü “Instagram Stories”də Mastersonun məhkəmə iclaslarından birində iştirak edərək onu dəstəkləməsinin səhv addım olduğunu bildirib.

"Mən həmişə insanların yaxşı tərəflərini görməyə çalışıram və onu əməlini kiçik cinayət hesab edirdim. O vaxtdan bəri onunla heç vaxt danışmamışam. Sonradan günahkar bilinəndən sonra ağlasığmaz detallar üzə çıxdı. Bunu mümkün qədər aydınlaşdırmaq üçün izah verirəm: zorakılığı qəbul etmirəm, qadınlara qarşı zorakılıq etmək və bu cinayətlərin qurbanlarına rəğbət bəsləmək ağılsızlıqdır”- deyə Emili Armstronq yazıb.
Daha sonra Emili Armstronq Denni Mastersonu dəstəklədiyi üçün üzr istəyib.
Xatırladaq ki, sentyabrın 5-də “Linkin Park” ilk konsertini verib. Qrup həmçinin gələcək albomu “Zero”da yer alacaq “The Emptiness Machine” adlı treki təqdim edib. Albomun buraxılışı noyabrın 15-nə planlaşdırılıb.

“Linkin Park” 2000-ci illərin əvvəllərində “One Step Closer”, “In the End” və “Crawling” kimi hitləri ilə böyük kommersiya uğuru əldə edib. Sonuncular qrupa 2002-ci ildə Ən Yaxşı Hard Rok Performansı üçün “Qremmi” mükafatı qazandırıb. Qrup 2006-cı ildə Jay-Z ilə əməkdaşlıq etdiyi üçün Ən Yaxşı Rep/Mahnı Performansında daha bir “Qremmi” qazanıb.  (Sfera.az)

 

PAYLAŞ

Son xəbərlər

Rusiyaya gedənlər üçün vacib XƏBƏR: mütləq oxuyun

Nadir bu tarixdə oğluna toy edir - FOTO

Vətəndaşın kartından 27 283 manat belə oğurlandı

Quş qripi sürətlə mutasiyaya uğrayır

Sürücülərin nəzərinə!

Bu marşrutunun hərəkət sxemi müvəqqəti dəyişir

"Samsung"un baş direktoru vəfat etdi

Dünyanın ən varlı qadınları

Qızılın qiyməti rekord həddə BAHALAŞDI

"Liverpul"un ulduzu "Real"da!

Bu BÜRCLƏR ayın sonuna kimi şəxsi xoşbəxtlik tapacaq

16 minlik oğurluq etdi

Aysunun keçmiş ərinin paylaşımına qəribə REAKSİYA:" Acığına gəlməsin, canını yaxşı qurtardın" - FOTO

“Kızıl goncalar”ın final tarixi dəyişdi

Sabahdan bu məktəblərdə dərs başlayır

Arıqlayacağının anonsunu verdi - VİDEO

Qəza aeroport yolunda sıxlıq yaratdı - VİDEO

Süni tənəffüs aparatına qoşulan aktyordan XƏBƏR VAR

"Fənərbağça" bu ulduzunun maaşını azaldacaq

Ən xoşbəxt BÜRCLƏR

Bütün xəbərlər