"Heç vaxt şou-biznesin içində olmamışam. Məndən gördüyüm işləri soruşun".

Gundem.az xəbər verir ki, bu sözləri sevilən ifaçı Almaxanım Əhmədli "Gün ortası" verilişində deyib.

Özünü qalmaqal və şou-biznesdən uzaq saxladığını deyən Almaxanım son konsertindən söz açıb:

"Bu il səhnə fəaliyyətimin 10 illiyi oldu. Uşaq yaşlarımdan bir çox səhnələrdə çıxış etmişəm. İlk ifaçıyam ki, 22 yaşımda Heydər Əliyev Sarfayında solo konsert vermişəm. Heç vaxt şou-biznesin içində olmamışam. Məndən gördüyüm işləri, konsertləri, mahnılarımı soruşun. Bəzi qalmaqallarda adım hallansa da bu, bəzi qurumların əməkdaşlarının özbaşınalığını meydana çıxartmaq üçün idi. Bunun qalmaqalla əlaqəsi yoxdur".