Xalq artisti Faiq Ağayev yeni açıqlaması ilə gündəmə gəlib. 

Gundem.az xəbər verir ki, "Üzə-düz" proqramına dəvət olunan sənətçi indiyə qədər üç dəfə komaya düşdüyünü bildirib:

"Həyatı çox sevirəm, bu bir. İkincisi, ölməkdən qorxmuram artıq. İllər əvvəl başıma gələn hadisə artıq üçüncü koma idi. Ondan qabaq iki dəfə komada olmuşam. Bir dəfə dənizdə boğulmuşam, bir dəfə də burnum əməliyyat olunanda. İndi həmin həkim dünyasını dəyişib. O, məni öldürdü, reanimatoloq olmasa idi, məni bu dünyaya qaytarmaq olmazdı.

Yadıma salmaq istəmirəm, bu söhbətlər məni yükləyir. Həyatı çox sevirəm. Gözəl insanları, onlardan gözəl hərəkətlər görməyi sevirəm. Həyatdır, olub. Kiminsə burnu qanayır, kiminsə dırnağı sınır, kimsə, Allah göstərməmiş, avtomobil qəzasına düşür. Bu da həyatın eybəcər tərəfləridir”.