Tünzalə Ağayeva Səməd Vurğunun ev-muzeyini ziyarət etdi - VİDEO
Xalq artisti Tünzalə Ağayeva Xalq şairi, dramaturq, ictimai xadim Səməd Vurğunun ev-muzeyini ziyarət edib.
Gundem.az xəbər verir ki, pop ulduz bununla bağlı şəxsi “İnstagram” hesabında video paylaşıb.
O, yayımladığı videoya belə bir şərh yazıb:
“Səətinin sənətkarı, dahilərin mühitində seçilən sənətkar olmaq bir xoşbəxtlikdir. Səməd Vurğunun Xavər xanımla yaşadıqları evdə olmaq, Üzeyir Hacıbəylinin, Qara Qarayevin , Fikrət Əmirovun , Arif Məlikovun , Süleyman Ələsgərovun, Səid Rüstəmovun, Yusif Səmədoğlunun ifa etdiyi pianoda oxumaq, hə, bir də böyük Səməd Vurğunun nəticəsi, dəyərli pianoçu Vurğun Vəkilovun müşayətində oxumaq tam başqa bir seçilməkdir. Şəxsimə, sənətimə olan etibar və dəyərdir. Allahın sonsuz lütfünə həmd olsun. Böyük azərbaycanlılar, sizə uşaqlığımdan vurğunam, musiqi mədəniyyətimin, ana dilimin, ədəbiyyatımın dahiləri, ruhunuz şad olsun!”.
Sözügedən paylaşım böyük maraqla qarşılanıb.
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay
