Evin enerjisi müsbət olanda bu həyatınıza da təsir göstərir. Təmiz ab-havalı mənzil dekorasiyası sizi daha xoşbəxt edə bilər. Bəs bunun üçün nə etməlisiniz? Təbii ki, ip ucları ilə evinizi daha düzgün dizayn edib, xoşbəxtliyə çata bilərsiniz.

Necə?

Məqaləni diqqətlə oxuyun, OLAY-ın sizə tövsiyələri var.

Araşdırmalara görə gül qoxusunun hüzur verən bir təsiri mövcuddur. Tər güllər alıb güldanınıza qoyun, bu möhtəşəm qoxu ətrafa yayılsın. Bundan başqa dibçək gülləri yetişdirmək  sizi xoşbət etməklə yanaşı, həm də yeni xobbiyə yönəldəcək.

Onlara qulluq edərkən özünüzü daha xoşbəxt hiss edəcəksiniz.

Söhbət xoş ətirdən gedirsə, güllərdən sonra şamların adını qeyd edə bilərik. Sizi xoşbəxt edən qoxu çox da uzaqda deyil. Elə vanil iyili şamlarla evinzidə daha xoş ab-hava hökm sürə bilər. Bundan başqa şam işığının beyninizi rahatlaşdıran bir təsirinin olduğu da elmə məlumdur. Unutmayın ki, söhbət 21 dekabr “dünyanın dağıldığı” gün üçün aldığınız şamlardan getmir. Bunlar daha estetik görünüşü olan, xoş qoxulu, xoşbəxtlik gətirən şamlardır. Qiymətləri isə müxtəlifdir, zənn etdiyiniz kimi baha deyil. Hətta bzidən sizə bir tövsiyə öz şamlarınızı özünüz də hazırlaya bilərsiniz...

Sabah oyananda sizin üçün ən çətin işlərdən biri yatağınızı yığışdırmaq ola bilər. Lakin səliqəli bir yatağın sizə xoşbəxtlik gətirdiyini eşitsəz, belə düşünməzsiniz. Bir saytın keçirdiyi sorğuya əsasən yatağını yığışdırıb xoşbəxt olanların sayı, bunu etməyənlərin sayından daha çoxdur. Ona görə tərəfinizi seçin!

Rənglərdən gündəlik həyatınızda istifadə edərkən təsirlərinə diqqət edirsiniz? Məsələn, sarı və yaşıl rəngin xoşbəxtlik gətirdiyini bilirdinizmi? Elə isə oxuyun. Bəli, bu rənglər sizin günə daha gümrah, kefikök başlamağınıza səbəb olur. Ona görə ev dizaynında, xüsusilə də divarlarda bu rənglərdən istifadə etməyə önəm verin. Hətta mebeldə, ya da süfrədə, qablarınızda, suvenerlərinizdə də seçiminiz yaşıl və sarı olsun.

Araşdırmalar göstərir ki, sevdiklərinizin rəsimlərini tez-tez görmək özünüzü yaxşı hiss etməyinizə  səbəb olur. Sevdiklərinizlə gözəl günlərinizdə çəkilən fotoları  divarınızda asa, ya da çərçivələdib həmişə gördüyünüz bir yerə qoya bilərsiniz.