Yüksək dərəcədə emal olunmuş qidalar da (çips, peçenye, dondurma, kartof qızartması) tütün kimi asılılıq yaradır. 

Gundem.az  xəbər verir ki, bu barədə Miçiqan və Virciniya Tech universitetlərinin psixoloqlarının “Addiction” jurnalında dərc olunmuş araşdırmasında bildirilir.

ABŞ-ın baş cərrahının 1988-ci ildəki hesabatına görə, tütün insanda asılılıq yaradır. Bu tədqiqatda da psixoloqlar eyni kriteriyalardan istifadə ediblər ki, bu da yüksək işlənmiş bu qidaların orqanizmə eyni təsirə malik olduğunu göstərib. Bu, məcburi istifadə ilə əlaqədardır. Yəni insanlar siqareti tərgitmədiyi kimi, şəkərli diabet və infarkt riskinə baxmayaraq, işlənmiş qidalardan da imtina edə bilmirlər. 

Həmçinin, qida insanın rifah halına və əhval-ruhiyyəyə, beyinə də təsir edə bilər. Bu təsirin miqyası nikotinin təsiri ilə müqayisə edilə bilər. Bundan əlavə, bu cür məhsullar ən güclü bağlayıcı stimuldur, onlardan çox istifadə edilərsə, beyin insanı lazımsız qidaları istehlak etməyə sövq edəcək.

Pəhriz üzrə mütəxəssis Lauren Manaker isə ağ düyünü daha tez-tez yeməyi təklif edib. Çünki bu məhsul sümükləri gücləndirir və enerji artımını təşviq edir. Onun sözlərinə görə, ağ düyü karbohidratlar və B6 vitamini mənbəyidir, düyünü tez-tez yeyən şəxs asanlıqla şənləşə və daha enerjili ola bilər.