"Bir çimdik quru qırmızı bibər yemək iki və ya üç təzə bibər qədər faydalıdır".

Gundem.az xəbər verir ki, bunu dietoloq Ancelina Dyubina "Kuban News"a müsahibəsində deyib.

O, qırmızı bibəri gəncliyi uzadan ədviyyat adlandırıb.

Mütəxəssisin sözlərinə görə, bu ədviyyatın tərkibində ümunitet üçün vacib olan A vitamini, stressi azaldan B vitaminləri, antioksidant olan C vitamini, gənclik üçün E vitamini, qan dövranını normallaşdıran PP vitamini, həmçinin minerallar, üzvi turşular və s. faydalı birləşmələr var.

"Qırmızı bibər kilo vermə pəhrizlərində də istifadə olunur. Ədviyyatın tərkibindəki maddələr maddələr mübadiləsini sürətləndirir, mədə-bağırsaq traktını stimullaşdırır və yağların yandırılmasını aktivləşdirir", - o əlavə edib.

Dietoloq vurğulayıb ki, istilik müalicəsi zamanı qırmızı bibər öz qida maddələrinin təxminən 75 faizini itirir, ona görə də artıq hazırlanmış yeməklərə əlavə edilməlidir.