Meksikada gəlin öz toy günü polis reydi zamanı həbs edilib. 

Gundem.az xəbər verir ki, bu barədə "Daily Mirror" məlumat yayıb.

Nensi Lisette El Raton adlı qadın mafiya başçısı Klement Mendiola Martinezlə evlənmək niyyətində olub. O, qəsb və qətldə şübhəli bilinir.

Polis toydan xəbər tutub və təyin olunmuş gündə Lisetteni izləyib. Mərasim zamanı polis binaya basqın edərək onu və altı kişini saxlayıb.

Lisette gəlinlik paltarında olarkən əlləri qandallanıb. Martinez isə özü qaçmağı bacarıb. Polis onun harada olduğu barədə məlumatı paylaşan şəxsə 100 000 manata yaxın mükafat vəd edib.  (Sfera.az)