Telefonların kişilərin fiziki sağlamlığına təsir etdiyi məlum olub. 

Gundem.az lent.az-a istinadən bildirir ki, smartfonlar və sperma keyfiyyəti arasındakı bu əlaqəyə 2G, 3G və 4G texnologiyaları təsir edir.

Məlum olub ki, cib telefonundan intensiv istifadə insanın sperma konsentrasiyasının və onların ümumi sayının azalması ilə əlaqələndirilir. Bununla belə, sperma hərəkətliliyi və morfologiyası ilə korrelyasiya qeydə alınmayıb.

Alimlər spermanın keyfiyyətini konsentrasiya, ümumi sayı, hərəkətlilik və sperma morfologiyası meyarlarına əsasən qiymətləndiriblər. Tədqiqatın bir hissəsi olaraq, onlar işə qəbul məntəqələrində 2005-2018-ci illərdə toplanmış 18-22 yaş arası 2886 isveçrəli kişidən məlumatları araşdırıblar.

İştirakçılar həyat tərzi, sağlamlıqları, mobil telefondan istifadə vərdişləri ilə bağlı ətraflı cavablar veriblər. Məlum olub ki, telefondan gündə 20 dəfədən çox istifadə edən kişilərin sperma konsentrasiyası həftədə bir dəfədən az istifadə edənlərlə müqayisədə 21% aşağı olub.

Bu əlaqələr 2005-2007-ci illər ərzində özünü göstərib. Ancaq zaman keçdikcə zəifləyib. Tədqiqatçılardan biri olan Martin Reslinin sözlərinə görə, buna 2G-dən 3G-yə, daha sonra isə 4G-yə keçid təsir edib və bu, telefon ötürülməsinin gücünü azaldır.

Qeyd etmək lazımdır ki, böyük seçmə həcminə baxmayaraq, bu tədqiqat qüsursuz deyil. Xüsusilə, elm adamları müəyyən məhdudiyyətlərə malik olan öz hesabat məlumatlarına istinad ediblər.

Mobil telefonların kişilərin reproduktiv sağlamlığına dəqiq təsiri qeyri-müəyyən olaraq qalır. Gələcək tədqiqatlarda mütəxəssislər telefonların yaydığı mikrodalğaların rolunun birbaşa və ya dolayı olduğunu müəyyən etmək niyyətindədirlər.