Braziliyada müğənni səhnədə çıxış edərkən yanıb.

Hadisə nəticəsində sənətçi yüngül yanıq xəsarətləri alıb.

Ksand Avyao yerli festival çərçivəsində stadionda konsert proqramı ilə çıxış edərkən səhnədəki tüstü avadanlıqların birindən alov çıxıb. Həmin an müğənni cihazın yanında olduğu üçün alov bir anda ona da keçib.

Xoşbəxtlikdən Ksand ciddi xəsarət almayıb və çıxışını davam etdirib.

“Saçlarım, qollarımdakı tüklər yanmışdı, qırxmalı oldum. Sənətkar dostlarım, bu işdə diqqətli olun”, - deyə braziliyalı bildirib.