BAKU Azərbaycan
°C

Bakıda tanışını güllələyən Vətən müharibəsi qazisi barəsində açılmış cinayət işi üzrə məhkəmə prosesi başa çatıb.

Gundem.az Qafqazinfo-ya istinadla xəbər verir ki, 1987-ci il təvəllüdlü Tural Məmmədov barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə açılmış iş üzrə hökm elan edilib.

Avqustun 3-də elan edilən hökmə əsasən, T.Məmmədov barəsində 2 il sınaq müddəti təyin edilməklə şərti cəza təyin edilib və o, məhkəmə zalından azadlığa buraxılıb.

Güllələnmə hadisəsi bu il fevralın 21-də baş verib. Vətən müharibəsi qazisi Tural Məmmədov Binə qəsəbəsi ərazisində İlkin adlı tanışını “Escort” markalı tüfənglə güllələyib. Hadisəyə səbəb Turalın Binə qəsəbəsinin daxilində marşrut xətti üzrə avtobus istismara verməsi olub. Bu isə həmin ərazidə marşrut xətti işlədən Əfqan adlı şəxsin marağına toxunub və həmin şəxs Turala məxsus avtobusun qarşısını kəsərək hərəkətinə mane olub, avtobusdakı sərnişinləri düşürərək öz avtobusunun fəaliyyətini davam etdirdiyini bildirib. Bundan sonra tərəflər arasında münaqişə yaranıb. Əfqan Turalla görüşə qohumu İlkin adlı şəxslə gedib. Tural isə həmin yerə avtomobilinə silah qoyaraq yollanıb.

Görüş zamanı Turalla İlkinin arasında sözlü mübahisə başlayıb və o, özü ilə gətirdiyi tüfənglə İlkinə atəş açaraq ona qarın nahiyəsindən ağır xəsarətlər yetirib. Hadisə yerinə özünü çatdıran Tural Məmmədovun qardaşı Vüsal Məmmədov silahı onun əlindən alıb.

Məhkəmədə ekspertiza rəyi elan edilib. Bildirilib ki, hadisə vaxtı T.Məmmədov affekt vəziyyətində olmasa da, onun psixoloji problemləri var.

Həmçinin zərərçəkmiş şəxs Turalı bağışladığını, onun həbsdən azad edilməsini istədiyini deyib.

Məhkəmə T.Məmmədovun ilk dəfə cinayət törətməsini, Vətən Müharibəsində rəşadətlə iştirak etməsini, günahını səmimi etiraf etməsini, zərərçəkmiş tərəfin şikayətçi olmamasını, onun 5 ay 12 gün (bu il fevralın 22-dən) həbsdə saxlanılmasını nəzərə alaraq barəsində yüngül cəza təyin edib.

Son xəbərlər

“Reuters”in əməkdaşı Moskvada həbs olundu

Bakıda mənzildə meyit aşkarlandı

Azərbaycan Türkiyədən dekorativ bitkilərin idxalını artırıb

Derbinin qalibi "Fənərbağça" oldu

Ən nəzakətsiz bürclər – Astroloqlar açıqladı

Ermənistan Müdafiə Nazirliyi çağırış etdi

Müharibədən sonra neçə nəfər mina qurbanı olub?

Həkimlərin maaşı ilə bağlı RƏSMİ AÇIQLAMA - VİDEO

Zelenski buna görə administrasiya rəhbərini işdən çıxardı

Rasim Balayevdən Taleh Yüzbəyova sərt sözlər

İndoneziyada 6,3 bal gücündə zəlzələ oldu

Mülki əhali demək olar ki, hər gün təhlükə ilə üzləşir

Bakıda avtomobil yanır: yolda tıxac yarandı - VIDEO

İnsan beyni haqqında 9 MARAQLI FAKT

Mingəçevirdə kütləvi dava olub, xəsarət alanlar var

Xankəndidə çalışan peşə sahibləri - VİDEO

"Sabah" qalib gələrək üçüncü pilləyə yüksəldi

ABŞ-da Azərbaycan və Türkiyə səfirləri görüşdü

Rəqqasə Fatiməni məhkəməyə verdilər

Daha bir cüdoçumuz Avropa çempionu oldu

Bütün xəbərlər