Ürəyimiz bir anda necə sınır?
Əgər gərgin keçən mübahisədən və ya böyük bir emosional sarsıntıdan sonra sinənizdə ağrı hiss edirsinizsə, bu, xalq arasında “ürəyin sınması” sindromunun və ya hormon balanssızlığı səbəbindən əsasən qadınlarda baş verən takotsubo kardiomiopatiyanın əlaməti ola bilər.
Gundem.az xəbər verir ki, bu barədə “Times of India” yazır. Bildirilir ki, “sınıq ürək” qəfil stress amillərinin təsiri nəticəsində infarktın real vəziyyətidir.
Bu sindrom həm də Gebrochen-Hertz sindromu və ya stress kardiomiopatiyası kimi tanınır. Həkimlər deyirlər ki, infarktdan fərqli olaraq, “sınıq ürək” sindromu ani stressin istər fiziki, istərsə də emosional olaraq ürək əzələsinin sürətlə zəifləməsinə səbəb olduqda baş verir.
“Sınıq ürək” sindromunun qurbanlarının böyük əksəriyyəti qadınlardır və bu, bütün halların təxminən 88% -ni təşkil edir. Çox vaxt anomaliya menopozun başlanğıcı və qadınların ürəyini stressin zərərli təsirlərindən qoruyan estrogen hormonunun səviyyəsinin azalması ilə əlaqədar baş verir. Yaşdan asılı olaraq, qadınlar stresli hadisələrin təsirlərinə daha həssas olurlar. Bu cür hadisələrə qəfil ciddi xəstəlik, əməliyyat, sevdikləri birinin ölümü və ya digər itkilər daxil ola bilər. Lakin bütün hallar bunlarla məhdudlaşmır. Şən və xoşbəxt hadisələrlə əlaqəli həyəcan səbəbiylə də ürk sına bilər.
Ürəyin sınmasının əsas simptomları nələrdir?
Mütəxəssislər hesab edirlər ki, əksər hallarda zərərçəkənlər bundan əziyyət çəkdiklərini dərk etmir, bəzi əlamətlərə baxmayaraq, həkimlərə müraciət etmirlər. Ümumi simptomlara aşağıdakılar daxildir.
Sinə ağrısı;
Nəfəs darlığı hissi;
Huşunu itirmə;
Aritmiya;
Kəskin ürək çatışmazlığının digər əlamətləri.
“Sınıq ürək” sindromu geriyə dönüşü olan hadisədir. O, bir neçə gün və ya həftədən sonra yox olur. Amma onun həyati təhlükəsi də ola bilər.
Son xəbərlər
Ən çox oxunanlar
- Bu gün
- Bu həftə
- Bu ay