Türkiyədə baş verən güclü zəlzələ zamanı Hatay vilayəti də böyük dağıntılara məruz qalıb. 

“Qafqazinfo” Türkiyə mediasına istinadən xəbər verir ki, vilayətin Antakya bölgəsində bir qrup könüllü şəxs dağıntılar altında həlak olan uşaqların xatirəsini yad etmək üçün uçan binaların qalıqlarına rəngli şarlar bağlayıblar. 

Onların bu addımı ictimaiyyət arasında rəğbətlə qarşılanıb.

“Ogün Abi Çocuk Derneği”nin üzvlərinin həyata keçirdiyi aksiya çərçivəsində artıq 1000-1500 şar bağlanılıb. Bu tədbirin davam etdiriləcəyi qeyd olunub.