Səhnəmizin pop-divası Aygün Kazımova növbəti dəfə sevənlərini heyran edib.

Gundem.az  xəbər verir ki, müğənni öz şəxsi "İnstagram" səhifəsində ağ pencək və ağ losinlə çəkdirdiyi qısa videonu paylaşıb.

52 yaşlı pop-kraliça özünəməxsus şarmı, fərqli geyim tərzi və yaşından çox gənc görünüşü ilə göz oxşayıb.

"Sənsizliyim" mahnısının remiksinin sədaları ilə çəkilən və "Qoy işığı söndürüm" şərhi ilə paylaşılan videoya tərif yağdıranların arasında məşhurlar da var.

Məsələn, müğənni Xatun Əliyeva şərh bölməsində bu sözləri yazıb:

"Allahın sevimli və seçilmiş gözəl bəndəsi. Sizə Rəbbim elə bir güc vermiş ki, lazımi yerdə ışıqları yandırıb neçə-neçə insanların həyatına işıq saçıb, həyata qaytarmısınız. Qaldı ki, işıq söndürməyə, sizin elə qəlbiniz var ki, bir qarışqanı belə incitməzsiniz!!! Siz işığı yalnız klipdə söndürmüsünüz".

Onun bu sözlərinə A. Kazımova "Can, canım mənim" cavabını yazıb.

Həmin paylaşıma BURADAN baxa bilərsiniz.

Big.az

Natəvan Baxşiyeva