Türkiyə Prezidenti Rəcəb Tayyib Ərdoğanın prezident seçkilərinin ikinci turunda qalib gəlməsi ölkənin Rusiya ilə münasibətləri saxlamaq üçün yeni imkanlar tapacağı anlamına gəlir.

Gundem.az xəbər verir ki, bunu rusiyalı politoloq və siyasi strateq Alyona Avqust deyib.

“Rusiya ilə münasibətlər necə inkişaf edəcək? Bizim açıq-aşkar düşmənçiliyimiz yoxdur. İndi bütün dünyanın və Rusiyanın, o cümlədən Türkiyənin düşdüyü çətin vəziyyətdə, hansısa qarşılıqlı əlaqə yollarını tapmaq, mövcud olan əlaqələri qorumaq istəyi var", - o bildirib.

Onun fikrincə, Türkiyə Rusiya ilə münasibətləri korlamayacaq, çünki ölkəyə turist axınını ruslar təşkil edir:

"Seçkilərin birinci turundan sonra vətəndaşlar Türkiyəyə getməkdən qorxmağa başlayıblar ki, bu da turistlərin sayının azalmasına səbəb olub. İndi ruslar tətilini yenidən planlaşdıra biləcəklər ki, bu da Türkiyə tərəfi üçün vacibdir".