Hicri təqvimi ilə Məhərrəm ayından sonra ikinci ay olan Səfər ayı bu gündən başlayıb. İslam mədəniyyətində bəzi insanlar, xüsusən də ənənəvi və ya folklor inanclarına əsaslanaraq Səfər ayının uğursuz və ya təhlükəli bir vaxt olduğuna inansalar da, bu aya digər aylardan fərqli münasibət göstərilmir.

Gundem.az xarici mətbuata istinadən xəbər verir ki, Səfər ayının uğursuz və ya təhlükəli bir dövr olduğuna inanılsa da, Hz. Peyğəmbər bu fikri rədd edib. Çünki islam dinində xüsusi “Səfər namazı” və ya bir dua yoxdur. Səfər ayının bəxtsiz olduğu və bu ayda bir çox bəlaların baş verməsi kimi fikirlər xurafatdır. Bu ayın digər aylardan heç bir fərqi yoxdur.

Qeyd edək ki, Səfər ayı hicri təqvimi ilə avqustun 17-də başlayıb, sentyabrın 15-də başa çatacaq.