"Fənərbağça"nın hücumçusu Edin Ceko adını Türkiyə Super Liqasının tarixinə yazdırıb.

Gundem.az  xəbər verir ki, bosniyalı forvard 10-cu turun "Pendikspor"la matçında 3 qol vuraraq rekorda imza atıb. O, ölkə çempionatında het-trik edən ən yaşlı oyunçu olub. Ceko 37 yaş 266 günlüyündə buna nail olub. Əvvəlki rekord "Fənərbağça"nın əfsanəsi Lefter Küçükandonyadisə (36 yaş 291 gün) məxsus idi.

Qeyd edək ki, "bülbüllər" Edin Cekonu mövsümün əvvəlində transfer edib. Bosniya və Herseqovina millisinin üzvü İstanbul təmsilçisinin heyətində Super Liqada 10 qol vurub.