"NATO-nun baş katibi Stoltenberqin Cənubi Qafqaz səfəri sözsüz ki, Rusiya ilə bağlı ümumi mənzərəni dəqiqləşdirmək, o cümlədən NATO-ya üzvlük, Rusiyaya qarşı NATO-nun mümkün addımlarını planlaşdırmaq məqsədi daşıyır".

Gundem.az xəbər verir ki, bu barədə fikirləri Milli Cəbhə Partiyasının üzvü, hüquqşünas Vüqar Dadaşov bildirib.

"Rusiya-Ukrayna cəbhəsində gərginləşmə, Fransanın Ukraynada müharibəyə qoşulmaq anonsları NATO-nun Cənubi Qafqaz ölkələri ilə vəziyyəti müəyyən etmək və danışıqlar aparmaq zərurəti yaradıb. NATO-nun Gürcüstanla, Ermənistanla danışıqları, razılaşmaların əldə edilməsi, Ermənistan və Gürcüstanın məlum açıq Qərbyönümlü siyasi kursu və Qərbin bu ölkələrə təsiri NATO-nun bu ölkələrlə olan münasibətlərini müəyyən etməkdə böyük rol oynayır”.

Hüquqşünas qeyd edib ki, NATO-nun Azərbaycanla danışıqları, razılaşmaları isə çox çətin və mürəkkəbdir.

“Əlbəttə ki, Cənubi Qafqazın açar ölkəsi Azərbaycanla razılaşma, bütün Cənub Qafqazın taleyini dəyişə biləcək səviyədə olduğundan, Stoltenberq Cənubi Qafqaz səfərini məhz Azərbaycandan başlayıb. Məhz Azərbaycanla danışıqlardan sonra Ermənistana və Gürcüstana konkret tapşırıqlar müəyyənləşəcək. NATO-nun Azərbaycanla danışıqlarının çətin olmasının səbəbi isə, Azərbaycanın ərazi bütövlüyünün öz hesabına bərpası, güclü ordu və güclü iqtisadiyatı, Avropanın və digər dövlətlərin enerji təhcizatında, təhlükəsizliyində vacib rolu və nəhayət Türkiyə ilə müttəfiqliyidir. Düşünürəm ki, NATO qismində Stoltenberqin Azərbaycanla hər hansı bir əhəmiyyətli siyasi razılaşmanı əldə etməsi mümkün deyil. Həm də, Stoltenberq bu ilin sonu vəzifəsindən getməlidir. Əlbəttə ki, bu faktın özü də müəyyən mənada təsirlidir”. (Sfera.az)