Fransa Atom Enerjisi və Alternativ Enerji Agentliyi (CEA) dünyanın ən güclü maqnit rezonans tomoqrafiya (MRT) cihazı ilə əldə edilən insan beyninin ən aydın şəklini çəkin.

Gundem.az xarici KİV-ə istinadən xəbər verir ki, "Iseult" adlı MRT cihazı ilə çəkilmiş beyin şəkli 20 ildən çox davam edən araşdırma nəticəsində əldə edilib.

Bildirilib ki, MRT cihazı son bir neçə ayda təxminən 20 sağlam könüllü üzərində sınaqdan keçirilib və ən aydın beyin görüntüsü təxminən 4 dəqiqə ərzində əldə edilib.

Açıqlamada qeyd olunub ki, 11.7 Tesla maqnit gücünə malik Iseult MRT aparatı ilə qısa müddətdə çəkilən görüntülərin xəstəxanalarda çox istifadə edilən cihazlarla əldə edilməsi saatlar çəkə bilər.

“İseult” Layihəsinin rəhbəri və CEA Araşdırma Direktoru Nicolas Boulant daha yüksək keyfiyyətli məlumat əldə etmək üçün araşdırmaların daha bir neçə il davam edəcəyini söyləyib.

Boulant bildirib ki, məqsədləri 2026-2030-cu ilə qədər psixiatriya sahəsində şizofreniya və bipolyar pozğunluq, həmçinin neyrodegenerativ xəstəliklər kimi bir çox xəstəliyi araşdırmaqdır.

“İseult” MRT cihazı ilə əldə edilən ultra detallı anatomik məlumatların Alzheimer və Parkinson kimi xəstəliklərin diaqnozuna kömək edəcəyi gözlənilir. (Sfera.az)