Litva hökuməti AB Şurasının Gürcüstandan diplomatik/xidməti pasportlara malik olan şəxslər üçün vizasız rejimin dayandırılması ilə bağlı yanvar ayında qəbul etdiyi qərarın icrasını nəzərdə tutan qətnaməni təsdiqləyib.

Gundem.az xəbər verir ki, bu barədə “Novosti Georgia” məlumat yayıb.

Bildirilib ki, Gürcüstanın sadə vətəndaşları hələ də vizasız səyahət edə biləcəklər.

Gürcüstan parlamentinin spikeri Şalva Papuaşvili bəyan edib ki, Litvanın qərarı 2010-cu ildə imzalanmış “Avropa Birliyi ilə Gürcüstan arasında vizaların verilməsi prosedurlarının sadələşdirilməsi haqqında” sazişin kobud şəkildə pozulmasıdır.