"İran Zəngəzur dəhlizinin açılmasına qarşı hərbi əməliyyatlara başlayarsa, qarşısında Türkiyə ordusunu görəcək".

Gundem.az xəbər verir ki, bunu politoloq Məhəmməd Əsədullazadə deyib. Politoloq prezidentin son açıqlamasının bu mesaja layiqli cavab olduğunu vurğulayıb:

"İran Silahlı Qüvvələrinin Baş Qərargah rəisi sərhədlər dəyişərsə, reaksiya verəcəklərini elan etdi. Bu, İran Baş Qərargah rəisinin blefidir. Artıq Azərbaycan ordusu delimitasiya və demarkasiya olunmayan  tarixi Azərbaycan torpaqlarındadır. Qərbi Zəngəzurda Azərbaycan əsgəri dayanıb. Prezident İlham Əliyev Laçında "geri çəkilməyəcəyik" mesajını verdi. Buyursun, İran necə reaksiya verəcəyini göstərsin.  Cənubi Qafqaz nə Suriya, nə də İraqdır. İran Cənubi Azərbaycan məsələsindən çəkindiyi üçün bu kimi bleflərlə özünü göstərir. İranın  hərbi müdaxiləsi Cənubi Azərbaycanın ayağa qalxması ilə qığılcım ola bilər. Geosiyasi şərtlər sürətlə dəyişir və Azərbaycan ordusu bu ilin axırına kimi Zəngəzur dəhlizini açması mümkündür". 

Ekspert İranın Azərbaycanla qarşı-qarşıya gəlməsinin İranda hakimiyyətin devrilməsi ilə nəticələnəyini deyib:

"İranın Azərbaycanla toqquşması isə İran hakimiyyətinin devrilməsi ilə nəticələnər. İran daxilində böhran və regionda Türkiyə və Azərbaycanın kordinasiyalı fəaliyyəti, Çinin bu dəhlizə dəstək verməsi, bundan əlavə, Cənubi Azərbaycan faktoru ilə yanaşı güclü Azərbaycan ordusu İran üçün çəkindirici amildir.  Azərbaycan İrandan ehtiyat etsəydi, 12-13 senytabrda demarkasiya olunmayan ərazidə bufer zonanı genişləndirməzdi. Odur ki, Tehran geosiyasi reallıqları qəbul etmək məcburiyyətindədir".

 

Turqut