BAKU Azərbaycan
°C

Serbiya Respublikasının Prezidenti Aleksandar Vuçiç Azərbaycan Respublikasının Prezidenti İlham Əliyevə təbrik məktubu ünvanlayıb.

Gundem.az xəbər verir ki, mətndə deyilir:

"Möhtərəm cənab Prezident!

Azərbaycanın Müstəqillik Günü münasibətilə Serbiya xalqı adından və şəxsən öz adımdan Sizi səmimi-qəlbdən təbrik edir, ölkənizə tərəqqi, xalqınıza yüksək rifah diləyirəm.

Ölkələrimiz arasında diplomatik münasibətlərin qurulmasının 25-ci ildönümünü qeyd etdiyimiz ötən il əməkdaşlığın əldə olunmuş səviyyəsi ilə fəxr edirəm. Sizin 2022-ci il noyabrın 23-də Serbiyaya səfəriniz və Serbiya Respublikası ilə Azərbaycan Respublikası arasında Strateji Tərəfdaşlıq Şurasının yaradılması haqqında Memorandumu imzalamağımız xoş xatirələrlə yaddaşımda qalıb. Həmin il dekabrın
20-21-də Bakıya səfərim və qarşılıqlı əhəmiyyət kəsb edən bütün sahələrdə əməkdaşlığın təkmilləşdirilməsi ilə bağlı aparılan uğurlu müzakirələr Serbiya-Azərbaycan münasibətlərinin davamlı inkişafının sübutudur.

Əminəm ki, strateji səviyyədə olan siyasi dialoqu, həmçinin çoxtərəfli, xüsusilə də iqtisadi sahədə əməkdaşlığımızı birgə səylərimizlə inkişaf etdirməkdə davam edəcəyik. Bunu çoxsaylı iqtisadi layihələr, Ticarət və İqtisadi Əməkdaşlıq üzrə Hökumətlərarası Komissiyanın bu yaxınlarda Belqradda keçirilmiş 7-ci iclası da bir daha sübut etdi.

Cari il sizin Serbiyaya gözlənilən səfəriniz və bu səfər çərçivəsində Serbiya və Azərbaycan arasında qarşılıqlı maraq doğuran bütün sahələrdə əməkdaşlığın gələcək inkişafına əlavə imkanlar yaradacaq Strateji Tərəfdaşlıq Şurasının ilk iclasının keçirilməsinin planlaşdırılması məni çox sevindirir.

Hörmətli cənab Prezident, fürsətdən istifadə edərək, Sizi və ölkənizin bütün vətəndaşlarını Azərbaycanın Ümummilli Lideri Heydər Əliyevin bu il qeyd etdiyiniz 100 illik yubileyi münasibətilə təbrik edirəm. Biz Heydər Əliyevi siyasi müdrikliyi və strateji yanaşması ilə müasir müstəqil və uğurlu Azərbaycanın əsasını qoyan görkəmli və uzaqgörən dövlət xadimi kimi xatırlayırıq. 2022-ci ilin dekabrında yenidən ziyarət etdiyim möhtəşəm Heydər Əliyev Mərkəzi məni çox təsirləndirdi. İcazə verin, bir daha xatırladım ki, Heydər Əliyevin abidəsi Belqradın ən gözəl parklarından biri olan Taşmaydan parkında da ucaldılıb.

Fürsətdən istifadə edərək, Serbiyanın suverenliyinə və ərazi bütövlüyünə ölkənizin verdiyi prinsipial dəstəyə və bu yaxınlarda Kosovonun Avropa Şurasına qəbulu üçün prosedurların başlanılması haqqında qərarın əleyhinə verdiyiniz səslə beynəlxalq hüquqa bir daha göstərmiş olduğunuz bağlılığınıza görə dərin təşəkkürümü bildirmək istərdim. Serbiya bunu qarşılıqlı anlaşmaya və hörmətə əsaslanan səmimi, daimi dostluğun təcəssümü kimi dəyərləndirdiyi üçün bu addımı heç vaxt unutmayacaq. Əmin olun ki, Serbiya Azərbaycanın suverenliyi və ərazi bütövlüyünü dəstəkləməkdə davam edəcək.

Möhtərəm cənab Prezident, Sizə bir daha dərin ehtiramımı ifadə edirəm".

Son xəbərlər

Daxili gözəllik yarışması: 5 min iştirakçı arasından ən daxili gözəl qadın seçildi

84 yaşlı qadın 38 yaşlı həyat yoldaşını boşama səbəbini AÇIQLADI - FOTOLAR

Eyni anda iki insanı sevmək mümkündürmü? - AÇIQLAMA

"Ukrayna müharibəsi Rusiyanın potensialını göstərdi, NATO-ya..." - Orban

“İndiki cəbhə xətti qalmaqla…” - Putinin atəşkəs üçün şərtləri MƏLUM OLDU

Strateji tərəfdaşlıq münasibətlərində Azərbaycan-Tacikistan nümunəsi ŞƏRH

Gələn həftədən ölkədə havanın temperaturu YÜKSƏLƏCƏK

Neft qiymətləri son 3 ayın ən aşağı səviyyəsinə düşüb

Vaşinqton planı DƏYİŞİR: ABŞ Rusiyanı VURA BİLƏR

Xavinin "Barselona"dan ayrılacağı DƏQİQLƏŞDİ

ATV-nin əməkdaşı vəfat etdi - FOTO 

Uşağın cinsiyyəti atadan, yoxsa anadan asılıdır? - Həkim AÇIQLADI

Lavrov: "Ukrayna ABŞ silahları ilə Rusiya ərazisini vurur"

Azərbaycanda bu sahədə maaşlar 5 min manatı ötüb 

YAP ötən ilin maliyyə hesabatını AÇIQLADI

"Milli mentalitet qanunlarımızın icrasına imkan vermir" - Razi Nurullayev

Konstitusiya Məhkəməsinin sədri Moldovada beynəlxalq konqresdə İŞTİRAK ETDİ

İtaliyanın Baş prokuroru Azərbaycana səfərə GƏLDİ

"İlham Əliyev bütün Qafqazın xilaskarı kimi çıxış edir" - Zahid Oruc

Azərbaycan qadınlarının 90 faizi oxuma-yazma bilmir? - MM-də deputatlar arasında MÜBAHİSƏ 

Bütün xəbərlər