BAKU Azərbaycan
°C

Suriya Ərəb Respublikasının ərazisində yerləşən düşərgələrdə saxlanılan 8-i uşaq və 4-ü qadın olmaqla 12 nəfər Azərbaycan Respublikası vətəndaşının ölkəmizə repatriasiyası həyata keçirilib.

Bu barədə Gundem.az-a Azərbaycan Xarici İşlər Nazirliyindən bildirilib.

İlk növbədə repatriantların yeri, şəxsiyyəti və Azərbaycan Respublikası vətəndaşlığına mənsubiyyəti müəyyən edilib və daha sonra Türkiyə Respublikası ərazisinə keçidi təşkil olunub.

İraq və Suriyadan Azərbaycan vətəndaşlarının repatriasiyasına məsul olan müvafiq dövlət qurumlarının nümayəndələri Türkiyə Respublikasına ezam edilib, repatriantların ilkin tibbi və psixoloji müayinəsinin həyata keçirilməsi təmin olunub.

Azərbaycan Respublikasının Türkiyə Respublikasındakı Səfirliyi tərəfindən müvafiq əlaqələndirmə işi aparılmaqla vətəndaşlarımız Azərbaycan Respublikasına qayıdış şəhadətnamələri və uçuş biletləri ilə təmin edilib. 21 noyabr 2023-cü ildə nümayəndə heyətinin müşayiəti ilə qeyd olunan vətəndaşların ölkəmizə repatriasiyası həyata keçirilib.

Repatriantların sosial reabilitasiyası və cəmiyyətə reinteqrasiyası istiqamətində müvafiq tədbirlərin həyata keçirilməsi nəzərdə tutulur.

Azərbaycan Respublikasının hökuməti tərəfindən xarici ölkələrin ərazisində silahlı münaqişənin qurbanına çevrilmiş Azərbaycan Respublikası vətəndaşlarının repatriasiyası üçün zəruri tədbirlərin görülməsi davam etdiriləcək.

Repatriasiya Azərbaycan Respublikasının hökuməti tərəfindən görülmüş mərhələli və koordinasiyalı tədbirlər nəticəsində Azərbaycan Respublikası Prezidentinin 2023-cü il 28 oktyabr tarixli 2336 nömrəli Fərmanı ilə təsdiq edilmiş “Xarici ölkədə çətin həyat şəraitində olan yetkinlik yaşına çatmayan Azərbaycan Respublikası vətəndaşlarının repatriasiyası və reabilitasiyası Qaydaları”nın müvafiq müddəalarına uyğun olaraq aparılıb.

Son xəbərlər

Bəzi yerlərdə şimşək çaxıb, leysan yağıb - FAKTİKİ HAVA

Azərbaycan nefti cüzi BAHALAŞDI

Bakı və İrəvan arasında birbaşa dialoq… - Mişel

Dilarə Əliyeva "stand-up"konserti verəcək

Şahzadə Harri yeni kitab üçün daha çox material axtarışındadır

İlham Əliyev rəsmi ziyafətdə iştirak etdi

İlham Əliyev Şoltsla görüşdü -FOTO

Nigar Arpadarai seçki ilə bağlı qərarını verdi - AÇIQLAMA

İlham Əliyev Oksfordda Finlandiya Prezidenti ilə görüşdü - FOTO

Azərbaycanda bu ilin altı ayında yol qəzalarında 333 nəfər ölüb

Dünya nəhəngləri arasında GƏRGİNLİK ARTIR: Çin ABŞ ilə nüvə danışıqlarını DAYANDIRDI

"Sabah saat 00:00-dan..." - Əhaliyə RƏSMİ XƏBƏRDARLIQ!

Ceyhun Hüseynovun Naxçıvanda 40 mərasimindən VİDEOREPORTAJ/FOTO

Bakıda Fransa Koloniyalarının Beynəlxalq Azadlıq Cəbhəsi yaradıldı

Vilayət Eyvazov Qubada vətəndaş qəbulu və sıra baxışı keçirdi - FOTOLAR

Bakıda qanunsuz quraşdırılan metal konstruksiyalar söküldü - FOTO

Ursula von der LyayenAvropa Komissiyasının Prezidenti seçildi

Prezident litvalı həmkarı ilə görüşdü - FOTO

"Fiorentina"nın futbolçusu İngiltərə klubuna keçdi

Azərbaycanda hotelçilər üçün təlimlərə start verildi - FOTO

Bütün xəbərlər